Basketball Cupfinal 2016 in Züri

Seit vergangenem Wochenende stehen nun auch die Finalisten in der Kategorie der Herren fest und die Liste der Cupfinalteilnehmer ist nun komplett. Nach einem starken 115 zu 65 Sieg gegen den BC Boncourt zieht Fribourg Olympic ins Finale ein. Begegnen werden sie beim Cupfinal den Lions de Genève, die sich mit einem Ergebnis von 98 zu 77 gegen die Lugano Tigers durchgesetzt haben. Bei den Herren steht uns mit Lions de Genève vs Fribourg Olympic ein spannendes Westschweizer Finale bevor.

Mier fröiid üs Ihne d Finalischte i de Kategorie Rollschtuehl vorz‘schtelle: D Pilatus Dragons ziehnd mit eme dominante 83 zu 31 Sieg is Cupfinal i und träffid am 09. April 2016 uf d Aigles de Meyrin.

De CEO vo de Zühlke Engineering AG, de Philipp Sutter, hed üs sini Unterschtützung für de Cupfinal 2016 zuegseid. Mier fröiid üs also en Verträter us de Wirtschaft und en engaschierte Basketballfän z’begrüesse.

Mier händ hüt de Patrick Lengwiler, CEO vom EVZ, als nöie Botschafter für de Cupfinal 2016 chönne gwünne.

Nach eme schpannende Halbfinaltag schtönd d Finalischte für de Cupfinal 2016 i de Kategorie Dame fescht.

Elfic Fribourg Basket gwünnt gäge AKA Basketball mit 84:61 und Riva Basket-Muraltese hed mit 55:42 gäge Bc Winterthur gwunne.

Am 09. April 2016 träffid sich also Riva Basket-Muraltese und Elfic Fribourg Basket im Kampf um de Cuptitel.

Mier fröiid üs über zwöi nöii Botschafter. De Zürcher Schtadtrat Gerold Lauber und de Diräkter vom Schportamt Züri, de Urs Schmidig, händ sich bereit erklärt üs bim Cupfinal 2016 als Botschafter z’unterschützte.

Mier fröiid üs Ihne mitz‘teile, dass sich de Marcel Hug als Botschafter für de Cupfinal 2016 zur Verfüegig schtellt. De Marcel Hug isch Schwiizer Schportler vom Jahr 2015 i de Kategorie "Behindertensportler des Jahres".

D Teilnähmer vom Halbfinal sind usglost worde und es git folgendi Begägnige:

Schwiizer Cup - Dame Halbfinal am 16. Januar 2016:
AKA Basketball vs Elfic Fribourg Basket
und
Riva Basket-Muraltese vs Bc Winterthur

Schwiizer Cup - Herre Halbfinal am 13. Februar 2016: 
Lions de Genève vs Lugano Tigers 
und
Fribourg Olympic Basket vs Basket-Club Boncourt

Schwiizer Cup - Rollschtuehl Halbfinal am 23./24. Januar 2016:
RCSG Rolling Rebels vs les Aigles de Meyrin
und
Pilatus Dragons vs Ticino Bulls

Nach 19 Jahr chunnt de Cupfinal wieder zrugg uf Züri und findet am 9. April 2016 i de Saalschporthalle in Züri schtatt – s gröschte, jährlich schtattfindende Basketball-Highlight. Ich fröie mich sehr druf und bin überzüügt, dass mier so en wichtigi Basis wärdid legge, zum de Basketballschport i de Region beliebter z mache.

Ich bin überzüügt, dass de Event en volle Erfolg wird und dank de Unterschtützig vo Swiss Basketball schtüüret au de nationali Basketballverband sin Biitrag bi und zeiget so au sis Interässi an ere aktive Basketball-Vermarktig i de Düütschschwiiz!

Georg Langlotz
Präsident ProBasket

De nationali Verband Swiss Basketball und de gröschti Schwiizer Regionalverband ProBasket händ hüt en Vertag unterschriibe, wo reglet, dass ProBasket mit de Durefüehrig vom Cupfinal 2015/2016 in Züri beuuftreit wird. S Datum isch de 9. April 2016.

Im Vordergrund schtaht in erschter Linie d Vermarktig vom Basketballschport i de Düütschschwiiz. Beidi Verbänd fröiid sich sehr, dass nach 19 Jahr de Cupfinal wieder in Züri schtattfindet.