Über de Cup
De Schwiizer Basketball Cup und s Final, wo dezueghört, sind definitiv d Highlights vo de Basketballsaison i üsem Land. Sit Jahre hed de schpannendi Event in Friburg schtattgfunde und de Cupfinal zieht näbe vielne Zueschauer au Färnsehkameras a.
Swiss Basketball vergit Wanderpokäl für zwöi Wettkämpf: de «Schweizer Cup Herren» und de «Schweizer Cup Damen». Sie wärdid im diräkte Usschlussverfahre zwüsche allne Schwiizer Verein i de Kategorie Herre bzw. Dame ustreit und wärdid wiiter unne beidi mit «Schweizer Cup» bezeichnet.
De Schwiizer Cup isch i drü Phase unterteilt:
Vorrundi (1/64, 1/32 und 1/16), Hauptrundi (1/8, 1/4 und 1/2) und s Final.
D Teilnahm vo de Nationalligaverein (NLA, NLB und 1NL) isch obligatorisch. D Teilnahm vo de Regionalligaverein isch freigschtellt. Jede Verein chan nur ei Mannschaft aamälde und de Wettkampf findet im diräkte Usschlussverfahre i einere Begägnig schtatt. D Uslosig wird vo de Diräktion vo Swiss Basketball duregfüehrt. Sie findet i de Büros vo Swiss Basketball schtatt, wo die Verein, wo teilnähmid, chönd debi si. Bis und mit em Viertelfinal hed de Verein von ere untere Liga s Heimrächt.
